新年流流,諗唔起祝賀語怕無利是逗? 用「我真係恭喜你啊」聊天機械人啦!

本網趁著新年流流,專誠為讀者整咗一個「我真係恭喜你啊」聊天機械人,等大家新年嘅時候講祝賀語都可以琅琅上口,逗利是自然密到無停手啦

P.S.本專頁將會臨時更改fb專頁名稱為「我真係恭喜你啊by數碼分身日記」,待活動結束將改回原名。

點擊這裡展開激烈祝賀對話!

呢個chatbot使用方法相當簡單,只要你輸入親戚/家人嘅稱謂,例如係「嬸嬸」、「表哥」、「舅母」等等,聊天機械人就會回覆你一句祝賀語做參考。(當然,如果你唔得閒親身拜年,最hea係可以將句祝賀語copypaste番落去whatsapp) 注意一點,為保障個人私隱,請盡量唔好輸入他人嘅全名去機械人度,有需要可以使用假名或英文名。

如果你想賀吓你老闆嘅話,都可以打「老闆」、「老細」等字眼。

假使有人手痕,輸入咗一啲不受歡迎公眾人物,而得到一啲唔係好老黎嘅祝賀語,咁就一定係機械人唔識世界,實在有怪莫怪,概不負責。

以下係「我真係恭喜你啊」聊天機械人Demo片段:

快啲趁新正頭之前練習下祝賀語,又睇吓你可以chok到幾多句祝賀語出來?

呢個機械人將會於本文發佈24小時內上線,密切留意專頁公佈喇~

#聊天機械人 #我真係恭喜你啊 #我祝你橫財就手打牌爆棚賺到無停手🀄️🀄️