【好書推介】當政府仲係度資助基層買電視嘅時候,Google Ventures其中一位大神教緊大家將電視擺埋一面

今日同大家介紹嘅一本書叫做👇

未提供相片說明。

生時間:高績效時間管理術
Make Time:How to focus on what matters every day

每個人都應該唔多唔少覺得時間永遠唔夠用,好想放多好多好多日假,但係有時到放假又會覺得好攰,唔知點解就無左好多時間。

雖說本專頁主要講唔同數碼工具,但係心態往往都十分緊要。呢本書講嘅唔係一啲好深奧嘅法則,佢成個理論係以「精華、雷射、提振活力、反省」作為每日嘅循環。(個翻譯有啲摸不著頭腦,以下會簡介吓)

精華(~prioritize): 將事情分先後次序,重要野先做
雷射(~focus): 將你嘅集中力放係重要嘅事情上
提振活力(~revitalize): 每個人集中力有限,要keep住charge自己嘅活力有咩生活法則呢?
反省(~reflect): 每日回顧下自己嘅時間係咪用得好

呢本書按住呢個原則介紹唔同嘅小技巧去搶番你嘅時間番來。例如善用咖啡因、食飯睇少陣手機、屋企嘅電視機擺位可以擺得次要啲,例如沙發檯凳唔好對正部電視,屋企以返人為核心而唔係部電視。其中一個我覺得特別有趣嘅方法係當你覺得好攰嘅時候,搵一個你覺得會俾到活力你嘅人,亦即係「提振活力」。想像一下如果你有一個好cheerful嘅朋友,當你好攰嘅時候同佢傾吓偈,感覺可能真係會好啲。

的確,來到呢個digital age,大家嘅專注力好易比唔同廣告、媒體搶走,時間越來越唔見洗。我回顧番自己公開考試果陣都係戒絕facebook、戒絕手機先可以應付過來。如果今日有目標想做但自覺力不從心嘅你,或者可以從唔同嘅小習慣做起,爭番屬於自己嘅寶貴時間!

本書幾好睇,應該好多書店都有得賣~

#時間管理