【緊急呼救】幾個簡單步驟,即可一鍵發送位置俾你熟人嘅Email!

上一篇提到自動化工具嘅文章,相信大家都會明白到其實好多工作而家都有得自動化,只要設置好既定邏輯,就唔需要日日做。Power Automate係其中一款實用工具,可以做到嘅功能配搭好多。以下將會介紹點樣製作一個緊急呼救功能,試下點樣整粒手機掣出來,一click發送手機位置俾其他人! 當你手機有咗呢個功能之後,假使有任何突發情況,都可以通知你相熟嘅人,十分實用。😎

第一步:以學校或工作電郵開立帳號

登入Power Automate網站,以學校或工作電郵免費申請帳號。

注意,雖然你可以使用個人電郵(例如hotmail、outlook等)開立帳號,但係我地陣間會用到Email功能,係需要有學校或工作電郵,否則會出現下列畫面:

 

第二步:到Template選擇啱用嘅流程

Power Automate同其他自動化工具一樣,有好多已經砌好咗嘅常用流程比大家選擇。每個template仲會列出使用人次,俾你了解邊啲流程最熱門。

今次用到嘅流程叫做 「Send me a push notification with my current location」,大家登入之後可以去到下列Template頁面,搜索 「Send me a push notification with my current location」,會見到相關結果。

(P.S.原本有一個流程叫做Email me my location,但係個template有bug,所以我地唔會介紹果個flow)

Click入去之後你會見到以下畫面,點選Create。連結後揀選Create Flow。

同意連結流程到你嘅電郵。

第三步:修改Template,添加發送電郵

Create Flow後,你會見到以下版面。選擇Edit。

點擊加號,再點擊 「Add a parallel branch」 來新增一個同時執行嘅動作。

揀選Email。

揀選 「Send an email notification」。

你同意咗之後,會跳轉到以下頁面去設置你嘅電郵template。 

你需要於紅色位置填上收件人及標題。例如你要email比[email protected],就填上呢個email。然後填上標題,例如你係緊急信息可以填上SOS。

電郵內容可以揀選 「Add dynamic content」,然後右手邊會多左個列表。揀選full address,咁你嘅正文就會你發送當刻嘅位置傳送比收件人。你嘅電郵正文除咗地址之外按需要都可以輸入更多其他內容。

完成後按 「Save」。

第四步:測試及使用

左手邊揀選My flows,你會見到頭先已經整好咗嘅流程。點選Run來測試有無錯誤。

如果無問題,你就可以去App StoreGoogle Play下載手機版嘅Power Automate。登入之後,就會見到製成品了。點擊之前記得開啟位置資訊先啊!

近期社會不穩,好多人都物色過唔同嘅緊急通訊方法買個安心。學咗點整呢個流程之後,除咗有得用之外,仲已經初步認識咗Power Automate呢套工具添!

覺得實用嘅你快啲分享比其他朋友啦!

#Automation #PowerAutomate #緊急通訊

相關閱讀:【救你一命!】回答3個問題,立即知道邊種向朋友呼救嘅方法最快最等駛~