【超實用】automation可以幫你開洗衣機,瞓醒覺提你要開會? IFTTT讓你免費體驗智能生活

如果睇過上一篇講關於喺工作層面上應用自動化工具嘅你,喺呢一刻仲未諗到幫輕到你工作嘅use case,唔緊要,我地今日會介紹一款用於生活嘅免費自動化工具 – IFTTT💡

IFTTT嘅意思係If this then that,即係如果觸發左某個條件,就會執行某個動作嘅意思,同上回講到zapier同integromate等工具相當近似。但最主要唔同嘅地方就係IFTTT嘅免費版本主要係用於日常生活,而且唔同嘅配搭已經一早set好咗,直頭唔需要自己諗。你只需要開立戶口,下載應用程式,就可以喺佢嘅平台揀選岩你用嘅automation,做些少設定,基本上5分鐘內就可以用到,非常方便!

使用方法

第一步:入到去註冊頁面,會見到佢嘅註冊方法十分簡單,只要你有facebook或google戶口就可以一click註冊。

第二步:下載佢嘅 android / iphone 應用程式

第三步:發掘啱你用嘅自動化應用。

 

智能家居 Automation

IFTTT有趣嘅位係佢同好多智能家居/家電嘅程式有integration,例如Alexa、Google Home、LG Washer (你無睇錯,係洗衣機)等等。你可以係搜索嘅時候搵番你有用開嘅應用程式或智能家居產品,從而便利到你嘅日常生活。

想像一下你一日嘅生活。一起身要返工,好彩IFTTT提咗你今日有個會要開,等你做好準備先返去公司。返到公司,你記得你屋企已經成機都係污糟衫,但屋企無人喺度,你可以用IFTTT開著部洗衣機。返到屋企已經8點鐘,用咗IFTTT一早較好天黑就開燈(前提你屋企嘅燈應用緊物聯網💰),唔駛手動開關咁麻煩。

 

易學程度:
5/5
靈活性:
3.5/5

喺IFTTT平台上嘅automation相當之多,值得注意嘅係IFTTT平台專係為英語市場而設,入面有好多產品/服務我地未聽過都係相當正常嘅事。另外,平台入面都有好多無咩人用嘅automation,設置完之後係有機會唔work嘅(例如上面Automatically turn your lights on at sunset,佢左下方顯示係有13萬幾人用緊)。所以用番一啲較多人用嘅automation會比較穩陣。

睇完呢篇文嘅你可能會覺得,我無智能家居咪對我無咩用咯?其實唔係嘅,IFTTT本身都有好多手機同應用程式嘅integration。但篇幅所限,賣個關子。之後我地會有更多介紹同埋實作。有興趣嘅你可以緊貼留意我地,同時喺IFTTT上面玩下試下。

#automation #物聯網 #iot #智能家居